Eraikalen, Echor prototipoa, hormigoi armatuzko etxebizitza jasangarria 
, etxebizitza Solar Decathlon Europe 2012ren esparruan aurkeztuta, lehiaketatik kanpo.
Echor eraikinaren harira, Zimendu Zementuaren eta haren aplikazioen Espainiako Institutuak (IECA) “Hormigoiaren inertzia termikoaz baliatuz energia-eraginkortasuna hobetzeko ikerketa”-ren emaitzak azaldu zituen. Ikerketa Sevillako Unibertsitateko Termotecnia taldeak egin du, eta agerian utzi du energia-kontsumo ia nuluko eraikinak (EECN) lortu daitezkeela, klimatizazio arloan % 69 ere aurreztera iritsi daitezkeenak, teknika guztiz bioklimatikoak erabiliaz aktibatu daitezkeen hormigoizko eraikuntza-irtenbideen bidez.
Eraikinetan oro har hormigoia erabiltzeko joerak hainbat arrazoi ditu funtsean: egiturarako gaitasuna, suarekiko erresistentzia, isolamendu akustikoa eta honez gero aski ezagunak diren beste hainbat prestazio. Hala ere, Sevillako Unibertsitatearen ikerketak agerian utzi ditu hormigoiak, inertzia-termiko altukoa den heinean, energia-eraginkortasunari dagokionez eskaintzen dituen abantailak. Manuel Vera, IECAren Hegoaldeko zuzendariak azaldu zuenez, “Herritar arruntari energia-faktura merkatuko zaio, klimatizazio sistemekiko mendekotasuna gutxitzen delako. Oro har, etxebizitza bakoitzean 4 hilabeteko kontsumoa aurreztuko litzateke urtean”.
Izan ere, inertzia termikoari esker tenperatura gorabeherak samurtu daitezke: kanpo- eta barne- tenperaturen artean denbora-desfasea egon dadin laguntzen du eta tenperatura altuenaren eta baxuenaren arteko diferentzia gutxitzen, hartara erosotasun-maila egokia lortuz.
Ildo horretatik, EKT inertzia termikoa aintzat hartzeko aukera ematen du energia-eraginkortasuna kuantifikatzeko kalkuluetan, eta hark klimatizazio arloan aurrezteari dagokionez dakartzan onurak balioesten ditu. Hala ere, ez da ohikoa inertzia termikoa aintzakotzat hartzea normalean egiten diren eskaera eta kontsumo kalkuluetan , beharbada nahikoa ezagutzen ez delako eta horretarako egokitutako tresnak falta direlako.
“Hormigoiaren inertzia termikoaz baliatuz energia-eraginkortasuna hobetzeko ikerketa”ri buruzko aurkezpen honetan:
Energia-kalifikazio altua lortzeko hobekuntza-estrategiak deskribatzen dira:
- Isolamendua hobetzea eta tradiziozko eraikuntza-sistemak alde batera uztea hormigoizko irtenbideei bide egiteko;
- Estankotasuna hobetzea eta emari aldakorreko sistemak sartzea;
- Kristalezko galeria sartzea;
- Udaran egongela gauez aireztatzea;
- Termikoki aktiboak diren solairu-armazoiak.
Iturria: Higiezinen Behatokia , 2012/11/16
