Berriaren iturrian, LEEDek merkatuan duten balioa izeneko artikulua irakur daiteke. David Perez Green Living Projects-eko marketin-arduradunak idatzi du artikulua. LEED ziurtapenei buruzko ikuskaritza egitea da enpresa horren lanetako bat. Hori dela eta, ziurtagiri horren azterketa egin dute, beste ziurtagiri batzuk ere aipatzen diren arren.
Artikuluan aipatzen denez, AEBn badira zenbait urte eraikin jasangarriek merkatua duten balioari buruzko azterketak egiten hasi zirela. Argitaratutako azken azterketei begiratu bat emanez gero, ikus daiteke jasangarritasunaren alde egindako inbertsio gehigarriak erraz amortizatzekoak direla, salmenta- eta alokairu-prezioak igo egiten baitira.
Artikuluan, beste artikulu eta/edo dokumentu hauek aipatzen dira, eta taula bat ere erantsi da (hemen ere jaso da). Taula horretan ikus daiteke ziurtagiria (Premium) duten onibarrek salmenta- eta alokairu-balio handiagoa dutela ziurtagiririk ez dutenek baino.
- «Doing Well by Doing Good»
, American Economic Review (AER) aldizkariak argitaratua; eta «Sustainability and the Dynamics of Green Building» , RICS Research-ek argitaratua. Azterketa horietan, LEED eta Energy Star ziurtagiriak, hurrenez hurren, dituzten 1.300 eta 2.000 proiektu aztertu ziren, AEBko bulego komertzialen merkatuan. Bi azterketetan ondorioak oso antzekoak izan ziren: ziurtagiriak zituzten proiektuak garestiago saldu ziren; zehazki, % 11-19 garestiago. Bada beste ondorio bat bi azterketetan agertzen dena: LEED eta Energy Star ziurtagiriak dituzten onibarren balioa ez da beste onibarrena beste jaitsi krisia dela eta. - Lang LaSalle-k «Green Gauge» azterketa argitaratu zuen. Azterketa horretan, Philadelphiako zenbait azpimerkatu eta eraikin jasangarri mota alderatu zituen Philadelphiako beste estandar batzuekin. 2011ko azterketak erakutsi zuenez, alokairuan Premiumen batez besteko balioa 4 dolar handiagoa zen oin karratuko. Absortzio-tasa (onibar bat merkatu espezifiko batean saltzen edo alokatzen den abiadura), berriz, % 3 handiagoa zen.
- 2011n, Fuerts & McAllister-ek «Green Noise or Green Value?» artikulua argitaratu zuten Real Estate Economics aldizkarian. Txosten horretan, alokairu-balio % 4 handiagoa jaso zen Energy Star ziurtagiriaren kasuan, eta % 5 handiagoa LEED ziurtagiria zuten eraikinen kasuan. Salmentei dagokienez, balioak asko igotzen ziren, eta azken salmenta-prezioa % 25 garestiagoa zen lehiakideena baino, eraikinek antzeko funtzio, erabilera, tamaina, kokaleku eta abar izanik.
- Real Estate Finance and Economics aldizkarian beste azterketa bat, «Green design and the market for commercial office space» izenburua duena, argitaratu zen 2010ean. Kasu horretan, LEED ziurtagirien kasuan, alokairuen prezioa, batez beste, % 15-17 handiagoa da, eta salmenta-prezioa, berriz, % 16-18 handiagoa.
Emaitzen laburpen-taula
Txosten horietaz gain, Eraikalen beste zenbait artikulu argitaratu dira energia-ziurtapenekin, -ingurumenekoekin eta abarrekin dauden negozio-aukerei buruzkoak:
- Buildipediako Lisa Taylor-en artikulu honetan , energia-ziurtagiriek proiektuaren aurrekontuari zein garapenaren epeari nola eragiten dieten ziurtagirien abantaila eta eragozpenak komentatzen dira.
- Agiria: «Eraikin berdeak. Lehentasunezko nitxoa» . Agiri honetan aipatzen denez, ziurtapen-sistemak (LEED, BREEAM, DGNB, HQE, SBTool) eta arauak alderatzeko ezintasunak are zailago egiten du eraikin berdeen aldeko aukera egitea eta datuetan oinarritutako erabakiak hartzea. Alderatzeko lanak erraztuko balira, gardentasuna irabaziko luke higiezin-sektoreak.
- Pike Researchen txostena, ingelesez: Zero energiako eraikinak . Zero energiako eraikinen munduko merkatua 1,3 bilioi dolarrera iritsiko da 2035erako.
Iturria: Green Living Projects , 2012/03/22
