Valentziako Eraikuntza Institutuak 
egindako dokumentu honetan, etxebizitza-eraikinen birgaitzea ebaluatzeko arau teknikoak jasotzen dira, Birgaitzearen Kalitatearen Profila bereizgarria lortzeko. Borondatezkoa da bereizgarria, eta birgaitutako eraikinen kalitatea neurtzen du, ingurune fisikorako sarrera, energia-aurrezkia eta natura-baliabideen erabilera jasangarria kontuan izanik.
- R-FA Ingurune fisikoaren irisgarritasuna. Eraikinaren irisgarritasuna hobetuko duten esku-hartzeak ebaluatzen dira, adindunei eta, ahal den kasuetan, desgaitasunak dituztenei, erosoago erabiltzeko aukera ematen dietenak.
- R-HE Energia-aurrezkia, Alderdi hauek ebaluatzen dira: CO2-emisioen murrizketa; birgaitzean erabilitako irtenbideen egokitasuna; kontsumo elektrikoa txikitzeko gailuak jartzea, eta energia berriztagarriak erabiltzea.
- R-US Natura-baliabideen erabilera jasangarria. Alderdi hauek ebaluatzen dira: ingurumen-eragina murrizten duten neurriak hartu izana; adibidez, ingurumen-ziurtagiria duten materialak erabiltzea, hondakinak sailkapenaren eta bereizketaren bidez kudeatzea, eta ur-kontsumoa txikitzeko gailuak erabiltzea.
Birgaitzearen Kalitatearen Profila Proiektu Gida doan deskarga daiteke Valentziako Eraikuntza Institutuaren web-orritik .
Eraikaleko “PdC, Kalitate Profila” berrian, PdC Kalitate Profila bereizgarri boluntario bat zela eta Valentziako Eraikuntza Institutuak sortu zuela aipatzen zen, etxebizitza-eraikinak bereizgarri desberdinekin aitortzeko. Eraikalen, eraikinen jasangarritasun-ziurtagiriei buruz argitaratutako azken berrian, “Eraikuntza jasangarriaren DGNB ziurtagiria” , zigilu anitz aipatzen dira, hauen artean, Kalitate Profila dagoelarik.
Eraikaleko “Passive House Retrofit” berrian, EnerPHit estandarra aipatzen da. Passivhaus Institut-ek eraikuntzak birgaitzeko garatutako kontzeptua da.
Eraikalen, Valentziako Eraikuntzaren Institutuari buruz zenbait berri argitaratu dira.
Iturria: Construible , 2013/01/17
